Administrator:
|
|
Sjedu.no - Nyhende frå Sørstranda i Gloppen kommune
|
|
Årsmelding og rekneskap for A/L Runnevang 2006
Årsmøte i A/L Runnevang vert halde i Runnevang onsdag 28. mars 2007 kl. 19.00.
Sakliste til årsmøte
- Godkjenning av innkalling og sakliste.
- Val av ordstyrar og to til å skrive under møteboka.
- Val av referent.
- Årsmelding for 2006.
- Rekneskap.
- Saker til handsaming.
- Ny leigeavtale med Gloppen Kommune
- Opprusting av scena i Runnevang
- Framtidige investeringar
- Eventuelt
- Budsjett for 2007.
- Val.
Vel møtt!
A/L Runnevang - Årsmelding for år 2006.
Sist valde styre har hatt slik samansetjing:
- Leiar: Arild Arnestad
- Nestleiar: Helge Geir Finnestad og representant for Sudstrand ungdomslag
- Skrivar: Amund Gimmestad
- Kasserar: Magna Sande
- Styremedlem: Ragnhild Rygg, og representant for IL Brodd
- Vara til styret: Aud Lothe og Jostein Grov
Valnemnd:
- Magnus Ravnestad
- Rakel Wilke
- Kari Gimmestad
Revisorar:
- Bjørn Grov og Bertil Sande
Både styremedlemar og vararepresentantar har vore kalla inn til møte. I meldingsåret har det vore halde 1 styremøte, elles kontakt etter behov.
I 2006 har det vore normal aktivitet for styret. Vedlikehald og avslutting av tidlegare prosjekt har vore hovedaktiviteten.
På starten av året var vi med på opparbeiding av uteområdet ved ballbingen. Det vart lagt beleggningsstein og opparbeidd plen på Runnevang sitt område. I grensa mot bøen vart det sett opp gjerde. Fortsatt kan det gjerast meir av uteområdet men ein er eit godt stykke på veg.
Av utvendig vedlikehald valde vi i 2006 å prioritere beising av baksida på Runnevang. Ein ny farge på glaslistene vart også påført. Med innleigd lift og god hjelp frå frivillige vart det ikkje avskrekkande med arbeid. Det neste store prosjektet utvendig bør vere å skifte taket på gamlebygget. Den økonomiske stoda vil vise om dette lar seg gjere i det nye året.
Gloppen kommune ved kommunelegen har pålagd A/L Runnevang å utføre kontroll og vedlikehald av dusjanlegget. Dette for å unngå Legionellasmitte. Styret har i 2006 inngått avtale med Ronny Husevåg om å utføre dette.
Det er utført brannsyn i bygget. Dette vart i år utført som egenmelding frå A/L Runnevang til Gloppen kommune. Dei tidlegare manglane er utbetra og Oddmund Årdal er ansvarleg for vedlikehald og service på brannslokkningsapparata.
Av større investeringar i 2006 nemner vi innkjøp av ny oppvaskmaskin. Bruksanvisning er utarbeidd og opphengt ved maskina.
Førre årsmøte gav styret fullmakt til å auke husleigesatsane. For å ligge på same prisnivå som tilsvarande bygg i området, har styret auka leigesatsane noko, med virkning frå januar 2007. Det er i tillegg innført i bruksreglane at ”Det er røykeforbud i Runnevang sine lokaler ”.
Vi bidrog også med hjelp til bilettsal på ungdomslaget sin revy. Revyen gav eit flott overskudd, der A/L Runnevang vert tildelt kr 30000,- av dette. Ungdomslaget har i den forbindelse bedt styret om å innhente prisar på oppgradering/fornying av scena i Runnevang. Dette bør ende i ein søknad til ungdomslagets teaterfond.
Styret ser behov for fleire store utbetringar også i framtida. Nye forhandlingar med Gloppen kommune om leige av Runnevang kjem i 2008. Dette vil vere avgjerande for vedlikehald og oppgradering av huset.
Til slutt vil styret takke dei tilsette, innleigd vaktmeister, leigetakarar og bygdefolk for samarbeidet til det beste for huset.
Takk til avtroppande styremedlemer.
Rygg, 8-3 2007
Arild Arnestad- leiar
For styret i A/L Runnevang.
Rekneskapet for 2006 finn ein her
22.03.07 19:07 - Andreas Ravnestad
|
|
|
|
